РЭСПУБЛІКАНСКІ ЗЛЁТ ЮНЫХ КРАЯЗНАЎЦАЎ
У Рэспубліканскім цэнтры экалогіі і краязнаўства на працягу 9 дзён праходзіў рэспубліканскі злёт юных краязнаўцаў.
Злет быў насычаны разнастайнымі мерапрыемствамі: цікавымі экскурсіямі, вандроўкамі, творчымі сустрэчамі са знакамітымі дзеячамі культуры і мастацтва, ветэранамі вайны і інш.
22 чэрвеня на абеліску 9 км. Маскоўскай шашы юныя краязнаўцы разам ветэранамі Вялікай Айчыннай вайны, супрацоўнікамі цэнтра экалогіі і краязнаўства і Ваеннай акадэміі Рэспублікі Беларусь прынялі ўдзел у мітэнгу-рэквіеме "І помніць свет выратаваны".
23 чэрвеня адбылося ўрачыстае адкрыццё злёту, конкурс "Візітка каманды", экскурсійна-адукацыйныя праграммы з наведваннем планетарыя, Лошыцкага парку, мемарыяльнага комплексу "Курапаты", экскурсіі па Мінску "Мінск - сталіца Беларусі".
24 чэрвеня ўдзельнікі злёту прадэманстравалі свае напрацоўкі ў рамках краязнаўчай канферэнцыі, а пасля паказалі свае таленты ў конкурсе "Таленты летніка". Напрыканцы дня навучэнцаў чакала экскурсійная праграма ў музеі валуноў і творчая сустрэча з мастаком А.Кузняцовым "Каменны вернісаж".
25 чэрвеня навучэнцам была прапанавана культурна-пазнавальная праграмма "Цырк дзецям", а ў вечары - экскурсійна-адукацыйная праграма па гісторыка-культурным дастапомнасцям Мінска.
26 чэрвеня ўдзельнікі злёту наведалі Рэспубліканскі цэнтр інавацыйнай і тэхнічнай творчасці, дзе пазнаёміліся з накірункамі дзейнасці цэнтра праз удзел у майстар-класах і інтарактыўных праграмах "Мірны атам" і "Экатэхна". Дзякуем за найцікавейшую праграму супрацоўнікаў цэнтра))
27, 28 і 29 чэрвеня свае сілы і вынослівасць навучэнцы праверылі на вяроўкавым гарадку "Ліяны" і скалодроме цэнтра, яшчэ больш пазнаёміліся з дастапомнасцямі сталіцы Беларусі, а таксама наведалі музей развіцця дзіцячага турызму і краязнаўства і экалагічнае аддзяленне Рэспубліканскага цэнтра экалогіі і краязнаўства.
А галоўнае атрымалі яркія ўражанні ад сустрэчы з беларускім гуртом "Гаротніца". Дзякуем Андрусю, Валерыі і Эрыку за вашу творчасць і незабыўныя эмоцыі ад выступлення.
Не меней уразіла навучэнцаў наведанне Нацыяльнага алімпійскага камітэту Рэспублікі Беларусь. Там нас пазнаёмілі з выставачнымі экспазіцыямі і музеем, гісторыяй развіцця алімпійскага руху ў краіне. Навучэнцы не толькі пачулі і пабачылі, але і самі паўдзельнічалі ў спаборніцвах у свеце віртуальнай рэальнасці. Напрыканцы нам паказалі цікавы відэафільм прысвечаны юбілею Нацыяльнага алімпійскага камітэту. Усім хто там яшчэ не быў... рэкамендуем, не пашкадуеце!!! Дзякуем супрацоўнікам камітэта за цікавую экскурсію і натхненне на даследаванне спартыўных старонак нашай гісторыі)))
Перадапошні дзень навучэнцы сустракалі з ноткай суму, наш чакала ўрачыстая цэрымонія закрыцця злёту. Усе ўдзельнікі злёту атрымалі дыпломы ад ветэранаў вайны, дыпломы за ўдзел у канферэнцыі і конкурсах злёту.
ДЗЯКУЕМ ЮНЫМ КРАЯЗНАЎЦАМ І ІХ НАСТАЎНІКАМ за дасведчаннасць у краязнаўчых справах.