Краязнаўчы летнік 2013 года
Летнік актывістаў краязнаўчага руху….
З 10 па 18 ліпеня 2013 года Рэспубліканскі цэнтр турызму і краязнаўства прымаў юных экскурсаводаў музеяў (музейных пакояў) устаноў адукацыі.
У рамках рэспубліканскага профільнага аздараўленчага лагера юных краязнаўцаў – актыўных удзельнікаў акцыі “Жыву ў Беларусі і тым ганаруся” прайшоў злёт юных экскурсаводаў музеяў (музейных пакояў) устаноў адукацыі.
9 дзён Цэнтр турызму і краязнаўства ў сваіх сценах прымаў майстроў сваёй справы ‑ юных экскурсаводаў школьных музеяў.
9 дзён гэтыя сцены бачылі палёт творчай фантазіі, адчувалі яднанне душ і жаданне пазнаваць, даследаваць і зрабіць нашу Беларусь яшчэ больш прывабнай.
За 9 дзён актывісты-краязнаўцы змаглі папоўніць скарбонку ведаў, дакрануцца да гісторыі і культуры краю праз экскурсіі, вандроўкі, тэатры, творчыя сустрэчы.
Юныя экскурсаводы наведалі Нацыянальны архіў Рэспублікі Беларусь, Нацыянальную бібліятэку, Нацыянальны мастацкі музей, мемарыяльны комплек “Курапаты”, музей валуноў, цырк і тэатр беларускай арміі, пабывалі на экскурсіі ў музеі тэатральнай і музычнай культуры, наведалі культавыя забудовы горада Мінска і Свята-Васкрасенскую царкву, сустрэліся з мастаком-іканапісцам Анатолям Кузняцовым, пазнаёміліся з беларускімі паэтамі і бардамі.
А яшчэ, хлопчыкі і дзяўчынкі змаглі стварыць дзіўную атмасферу музейнай утульнасці, дзе паміж прывезенымі музейнымі артэфактамі лунала жывое слова юных экскурсаводаў….
Прапаноўваем праглядзець таксама фотакалажы з жыцця летніка:
