Краязнаўчыя чытанні ў Віцебску 2012 г.
У адпаведнасці з планам работы Міністэрства адукацыі Рэспублікі Беларусь на 2012 год і ў мэтах удасканалення краязнаўчай дзейнасці педагагічных работнікаў па грамадзянска-патрыятычным выхаванні навучэнскай моладзі 17-19 красавіка б.г. у г. Віцебску прайшлі XII рэспубліканскія краязнаўчыя чытанні педагагічных работнікаў па тэме: ”Краязнаўства як сродак патрыятычнага выхавання і грамадзянскага станаўлення асобы“.
У педагагічных краязнаўчых чытаннях прынялі ўдзел прадстаўнікі Міністэрства адукацыі, Міністэрства культуры, навукоўцы, педагогі-краязнаўцы з усіх рэгіёнаў краіны, усяго 85 чалавек.
Падчас чытанняў былі заслуханы 25 выступленняў з вопыту работы педагогаў-краязнаўцаў з розных рэгіёнаў краіны, а таксама выступленні навукоўцаў і супрацоўнікаў музеяў сістэмы Міністэрства культуры.
Удзельнікі краязнаўчых чытанняў пазнаёміліся з дастапомнасцямі горада падчас агляднай экскурсіі, з экспазіцыямі Віцебскага абласнога краязнаўчага музея, а таксама наведалі абласны мастацкі музей.
ПРАГРАМА
XII рэспубліканскіх краязнаўчых чытанняў педагагічных работнікаў
”Краязнаўства як сродак патрыятычнага выхавання і грамадзянскага станаўлення асобы“
| Заезд удзельнікаў краязнаўчых чытанняў. Рэгістрацыя і размяшчэнне па адрасе: | |
| 8.00-8.40 | Снеданне |
| 9.00-9.30 | Адкрыццё краязнаўчых чытанняў |
| 9.30-11.30 | Выступленні ўдзельнікаў краязнаўчых чытанняў |
| Узаемадзеянне абласнога краязнаўчага музея са школьнай аўдыторыяй: з вопыту работы | |
| Роля музеяў устаноў адукацыі Віцебшчыны ў патрыятычным выхаванні навучэнцаў | |
| Роля аб’яднанняў па інтарэсах у вывучэнні археалагічных помнікаў Старадарожчыны | |
| Выкарыстанне аўтарскіх электронных сродкаў навучання пры ўкараненні мадэлі выхавання грамадзянскасці і патрыятызму | |
| Краязнаўчыя экскурсіі ў сістэме грамадзянскага і патрыятычнага выхавання навучэнцаў: з вопыту работы | |
| ”Адхінуўшы заслону часу“ – вынікі пошукавай работы ў рамках III этапу рэспубліканскай акцыі навучэнскай моладзі ”Жыву ў Беларусі і тым ганаруся“ | |
| 11.30-12.30 | Перапынак на каву. Знаёмства з экспазіцыямі Віцебскага абласнога краязнаўчага музея |
| 12.30-14.15 | Працяг краязнаўчых чытанняў |
| Даследаванне звычаяў, традыцый і абрадаў роднага краю | |
| Фарміраванне ў навучэнцаў адказнасці за захаванне гісторыка-культурнай спадчыны рэгіёна праз турысцка-краязнаўчую дзейнасць | |
| Фарміраванне асноў дзейснага патрыятызму праз удзел у конкурсах рэспубліканскай акцыі навучэнскай моладзі ”Жыву ў Беларусі і тым ганаруся“ 2 г. Наваполацка | |
| Арганізацыя і правядзенне маладзёжных даследчых экспедыцый у рамках праграмы Беларускай асацыяцыі клубаў ЮНЭСКА | |
| Вывучэнне і ўшанаванне падзей I Сусветнай вайны краязнаўцамі гімназіі г. Смаргонь | |
| ”Помні імя сваё“: з вопыту работы | |
| 14.15-15.00 | Абед |
| 15.00-16.30 | Аглядная экскурсія па гораду |
| 16.30-18.30 | Працяг краязнаўчых чытанняў |
| Пошукава-даследчая дзейнасць краязнаўчага гуртка ”Жывіца“ па вывучэнні гісторыка-культурнай і прыроднай спадчыны Пружаншчыны | |
| Вывучэнне гісторыі, культуры і менталітэту палешукоў праз агульнавясковыя мянушкі | |
| Арганізацыя правядзення сумеснай расійска-беларускай вахты Памяці як сродак выхавання грамадзянскасці і патрыятызму дзяцей і моладзі | |
| Пошукавая дзейнасць гуртка па захаванні гістарычнай спадчыны рэгіёна | |
| ”Жамчужына беларускага Палесся – возера Гадынь“ | |
| 18.30 | Вячэра |
| 8.30-9.00 | Снеданне |
| 9.00-11.00 | Працяг краязнаўчых чытанняў |
| Удзел устаноў адукацыі Віцебскай вобласці ў патрыятычных акцыях | |
| Захаванне і папулярызацыя гістарычнай спадчыны рэгіёна праз праектную дзейнасць | |
| Вывучэнне гісторыі Драгічынскага краю як эфектыўны сродак фарміравання патрыятычных якасцей навучэнцаў і выхавання любові да радзімы | |
| Гістарычнае краязнаўства і яго роля ў патрыятычным выхаванні навучэнцаў (да 200-годдзя вайны 1812 года) | |
| Выхаванне навучэнцаў на вайсковых традыцыях. Чырвоная Армія. 1941 год. | |
| Метад праектаў у патрыятычным выхаванні навучэнцаў сродкамі краязнаўства, турызму і экскурсійнай дзейнасці | |
| ”З легендаў і казак былых пакаленняў…“ | |
| Знакамітыя землякі ‑ палітычныя і дзяржаўныя дзеячы | |
| 11.00-12.00 | Выступленні ўдзельнікаў педагагічных чытанняў па абмену вопытам краязнаўчай работы ва ўстановах адукацыі |
| Падвядзенне вынікаў і закрыццё XII рэспубліканскіх краязнаўчых чытанняў педагагічных работнікаў | |
| 12.00-12.30 | Абед |
| 12.30-13.40 | Наведванне Віцебскага абласнога мастацкага музея |
| 13.40 | Ад’езд дэлегацый |