Рэспубліканскі краязнаўчы форум «Выкарыстанне рэгіянальнай адукацыйнай прасторы для грамадзянска-патрыятычнага выхавання асобы»
У адпаведнасці з планам работы Міністэрства адукацыі Рэспублікі Беларусь на 2016 год, з мэтай выяўлення і распаўсюджвання станоўчага вопыту работы педагагічных работнікаў па арганізацыі краязнаўчай дзейнасці, фарміравання і развіцця ў падрастаючага пакалення грамадзянскай і патрыятычнай самасвядомасці 12-13 мая 2016 года на базе ўстаноў адукацыі і культуры Смаргонскага раёна Гродзенскай вобласці прайшоў рэспубліканскі краязнаўчы форум «Выкарыстанне рэгіянальнай адукацыйнай прасторы для грамадзянска-патрыятычнага выхавання асобы» (далей – форум).
У форуме пранялі ўдзел прадстаўнікі Міністэрства адукацыі, Міністэрства культуры Рэспублікі Беларусь, навукоўцы, педагогі-краязнаўцы з усіх рэгіёнаў краіны.
Удзельнікі форуму наведалі Вучэбна-педагагічны комплекс Залескі яслі-сад-сярэднюю школу Смаргонскага раёна, пазнаёміліся з вопытам краязнаўчай і музейнай дзейнасці Гімназіі г. Смаргоні, заслухалі выступленні навукоўцаў і педагогаў-краязнаўцаў, кіраўнікоў музеяў па пытаннях выкарыстання рэгіянальнай адукацыйнай прасторы ў мэтах грамадзянска-патрыятычнага выхавання моладзі.
Падчас форуму былі разгледжаны шляхі ўзаемадзеяння музеяў устаноў адукацыі з дзяржаўнымі музеямі сістэмы Міністэрства культуры.
Удзельнікам форуму была прадстаўлена трэнінг-экскурсія ў Музеі-сядзібе М.К. Агінскага і Смаргонскім раённым краязнаўчым музеі.
Напрыканцы форуму адбылася грамадзянска-патрыятычная акцыя на Мемарыяльным комплексе па лініі супрацьстаяння ў гады Першай сусветнай вайны.