Вынікі Рэспубліканскай дыстанцыйнай краязнаўчай алімпіяды
23 мая 2016 года адбылася рэспубліканская дыстанцыйная краязнаўчая алімпіяда (далей Алімпіяда), якая праводзілася сярод навучэнцаў 7-10 класаў, пераможцаў абласных і Мінскага гарадскога тураў.
Навучэнцам было прапанавана выканаць індывідуальна ў дыстанцыйным рэжыме з 12.00 па 13.15 гадзін тэставыя заданні (агульная колькасць – 50) на веданне гісторыка-культурнай і прыроднай спадчыны нашай краіны. Усяго прыняло ўдзел у рэспубліканскім туры алімпіяды 70 навучэнцаў (па 10 чалавек з кожнай вобласці і г. Мінска).
Тэсціраванне праходзіла ў спецыяльнай тэставай праграме, дзякуючы якой кожны ўдзельнік Алімпіяды пасля завяршэння тэсціравання мог пабычць свае вынікі, працэнтны склад і дыяграму суадносін паміж выкананымі і невыкананымі заданнямі. Усе вынікі тэсціравання правяраліся аўтаматычна праграмай.
На галоўнай старонцы сайта размешчаны вынікі ўдзельнікаў рэспубліканскага тура алімпіяды.
Пераможцы ва ўзроставай катэгорыі
“7-8 клас:
I месца – Пальчук Таццяна (94,0 %, навучэнка 8 класа ДУА “Гімназія № 1 г. Любані” Мінскай вобласці);
II месца – Краскоўскі Дзмітрый (92,6 %, навучэнец 8 класа ДУА “Гімназія № 1 г. Гродна”);
III месца – Мезінаў Іван (92,3 %, навучэнец 8 класа ДУА “Сярэдняя школа № 139 г. Мінска”);
“9-10 клас”:
I месца – Трапачка Ганна (96,6 %, навучэнка 10 класа ДУА “Шунеўская дзіцячы сад-сярэдняя школа Глыбоцкага раёна” Віцебскай вобласці);
II месца – Лабынцаў Сяргей (96,1 %, навучэнец 10 класа ДУА “Свіслацкая сярэдняя школа” Гродзенскага раёна);
III месца – Шабановіч Раман (95,0 %, навучэнец 10 класа ДУА “Сярэдняя школа № 7 г. Навагрудка” Гродзенскай вобласці).
Агульныя вынікі алімпіяды